ТАТАРХАНӘ

    Җылы кояш нурларына төренеп, йөгерек гөрләвекләре белән йөгереп язның беренче ае — март та килеп җитте.
     Барыбызга да билгеле әлеге айның иң матур иң олы бәйрәме — 8 нче МАРТ — ХАЛЫКАРА ХАТЫН КЫЗЛАР КӨНЕ.
      Хөрмәтле гүзәл затлар! Табигатнең суыктан җылылык чорына омтылган мизгеленә туры килгән бәйрәмегез һәрвакыт җылы матур истәлекләр генә калдырсын.

       Сезнен тормышыгыз яхшылык һэм яктылык, мэхэббәт, якынарыгызның күңел җылысы һәм игътибары белән тулып, йөзләрегез елмаюдан яктырып, нурлар чәчеп торса иде!
Котлы булсын бәйрәмебез!!!

Көннең яктылыгы кояшта,
Күкнең матурлыгы йолдызларда,
Җир йөзенең гүзәллеге хатын-кызларда.

Күзләрнең аруын гади генә күнегүләр ярдәмендә бетерергә була. Бу күнегүләрне даими эшләү – күзләр тирәсендә җыерчыклар булдырмауның иң яхшы чарасы. Ул күнегүләрне эш арасында да үтәргә мөмкин, алар күп вакытны алмый. 

• Күзләрне йомыгыз да 4 тапкыр сәгать теле уңаенда, 4 тапкыр кирегә таба әйләндерегез. Күнегүне 4-8 тапкыр кабатлагыз. 
• Күзләрне йомган килеш күз алмасын 10 тапкыр өскә-аска хәрәкәтләндерегез. Нәкъ шулай ук күз алмасын сулга һәм уңга йөртегез. 
• Якын урнашкан берәр әйбергә, күзләрегезне зур итеп ачып, 30 секунд карап торыгыз, аннары күзләрегезне йомыгыз. Күнегүне 6-8 тапкыр кабатлагыз. 
• Күзләрегезне чиратлап беразга кысыгыз, ә аннары бераз алга карап торыгыз. Күнегүне 3-4 тапкыр кабатлагыз. 
• Бармакларыгызны йомылган күз кабагына куеп, башта – сәгать теле уңаенда, аннары кире юнәлештә йөртеп алыгыз. 

Чыршы уенчыгының тарихы 1513 елда немец галиме Мартин Лютердан башланган дип саныйлар. Бер кич бу абзый урамнан кайтып барганда йолдызлар тулы күк йөзен күреп ала, ул чыршы очларындагы якты утларга сокланып туя алмый. Өенә кайткач ул бер кечкенә чыршыны шәмнәр белән бизи һәм баш очына йолдыз куя.

XIX гасырда бу гадәт инде Англия, Австрия, Чехия һәм башка илләрдә киң тарала. Ком оныннан пешерлгән уенчыкларны аеруча яратып эшлиләр.

XX гасыр башында Россиядә чыршы уенчыкларын Клин шәһәрендә эшли башлыйлар. Дару җиһазлары заводында беренче тапкыр пыяладан шарлар һәм мәрҗәннәр өреп ясыйлар. Түбән Новгород шулай ук чыршы уенчыгы һөнәрчелеген үстергән шәһәр булып санала.

Пыяладан кала уенчыкларны катыргы кәгазьдән дә ясаганнар. Шулай ук революциягә кадәр кәгазь битле курчакларга тукыма, бисер, мәрҗәннәрдән кием ясап чыршыга элгәннәр. Соңрак фарфор һәм мамык уенчылар барлыкка килгән.

Чыршылар тарихи счорга карап бизәлә. Мәсәлән, сугыш елларында бәйрәм агачы «солдат», «танк», «санитар-этләр» һ.б. белән бизәлгән.

Бүгенге көндә һәркем чыршы бизәү ысулын үзе сайлый. 

Россиядә төрле милләт һәм дин вәкилләре дус-тату булып яши. 

2019 ел Россиядә Театр елы итеп игълан ителде. Театр елын уздыру турындагы указны Россия Президенты Владимир Путин имзалады. “Театр сәнгатен алга таба үстерү максатыннан Россия Федерациясендә 2019 елны Театр елы итеп уздырырга”, — диелгән указда.

Татар телен өйрәнә башлаучыларга — менә дигән кыска видеодәресләр. Укучыларны тел белән кызыксындыруда ярдәм итә ала.

Чыганак: http://Әйдә! Online – Изучаем татарский

Һәр кеше — гений. Ләкин сез балыкны аның агачка менү сәләте буенча бәяләмәгез, ул гомере буе үзен аңгыра итеп санаячак. 

Альберт Эйнштейн.

Яңа ел — күңелләргә шатлык өләшүче, хыялларны тормышка ашыручы, киләчәккә өмет уятучы иң яраткан бәйрәмебез. Яңа елны көнктән көннәр — могҗизага тиң. Тылсымлы сихри көчләр аша күз алдыбызга хуш исле зифа чыршы, мандарин тулы табын, ап-ак кар бөртекләре, җемелдәвек утлар килеп баса. Бу гаҗәеп хисләр безгә балачактан ук таныш. Төрледән-төрле утлар, әкияттәгедәй парклар һәм күңелле шугалаклар һәр елны кабатланып, күңелләрне дәртләндерә. 

Яңа ел  — үткәннәргә йомгак ясау, уңышлар һәм җиңүләрне барлау, өмет-хыялларның чынга ашкан чоры. Киләсе Яңа елның нинди булачагы безнең үзебездән тора.

Сезне чын күңелдән иң матур, көтеп алган Яңа ел бәйрәме белән котлыйм! Мин сезгә барыннан да элек, үз көчеңә ныклы ышаныч, яңа казаныш һәм ачышлар, зур җиңүләр телим. Киләсе ел сезнең өчен истәлекле вакыйгаларга бай, могҗизалы булсын. Тормышыгызның күңелле очрашулар, шатлыклы тойгылар, бәхетле мизгелләр бизәсен, гаиләгезгә иминлек, саулык-сәламәтлек алып килсен.

Сезнең Яңа ел төнендә курантлар тавышы астында теләгән изге теләкләрегез чынга ашсын!

Яңа ел белән!