ТАТАРХАНӘ

Саф һава. Җылы көннәрдә су чәчрәтеп уйныйсың. Болыннарда йөгерә-йөгерә чәчәкләр җыясың, бакчада җиләк-җимеш ашыйсың. Кич көтү кайтканын көтеп аласың. Сыерларны, сарыкларны каршы алу үзе бер вакыйга!Аннан соң мунча, яңа савылган сөт! Ятыр алдыннан ишек алдына чыгып йолдызларны күзлисең. Төнге кошларның җырлары ишетелә, елга-күлләрдәге бака тавышлары яңгырый. Авыл йокыга талган вакыт — ниндидер сихри бер мизгелгә […]

Тәмле җәй Аланнарда – җиләк исе, Басуларда – иген исе, Җәйләүләрдә – сөт исе… Тагын аллы-гөлле чәчәк, Кайнар кояш өстисе – Шушы булыр җәй төсе! (Ш.Галиев)

Гаиләләрегез тулы, пар канатлы, әти-әниләрегез гомерле, өегез бала-чагалы, дөньягыз бөтен булсын! Насыйп парларыбызның кадерен белеп, ата-аналарыбызны саклап, балаларыбызны яклап яшик!