Чулман буендагы Ак кала
Яр Чаллы – гаҗәеп матур шигъри исемле шәһәр
КамАЗ бүгенге көндә Россиядә генә түгел, хәтта чит илләрдә дә танылды.
Бар халыклар тыңлый ил сулышын
Яңгырыйлар горур авазлар.
Мең йөрәкнең иркә баласыдай
Конвейерда килә Камазлар.
Яшьләр сәясәте, һөнәри һәм массалы спорт үсеше — шәһәребезнең бу юнәлештәге амбицияле планнары һәм шул ук вакытта чишелә торган иң актуаль проблемалары. Шәһәр халкы Гөлнара Сәмитова-Галкина, Руслан Нигъмәтуллин кебек спортчылары белән горурлана.
Шәһәребез заман белән бергә атлый. IT-парк – Россиянең һәм Халыкара югары технологияләр үзәгенә әйләнеп бара.
Чаллы татар драма театры бөтен дөньяга Камазлары белән танылган шәһәр белән бергә үсте. Шәһәр “Мастеровые” рус драма театры, Яр Чаллы Орган залы белән дан тота.
Хәзерге вакытта чаллыда ярты мллионнан артык кеше яши, шул исәптән 80 төрле милләт вәкиле бар. Алар арасында татарлар, руслар, чувашлар, марилар, украиннар, башкортлар, удмуртлар… Тукача әйтсәк, “тел, лөгать, гадәт вә әхлак алмашып” яши. “Чишмә” халыклар дуслыгы йортында 20 якын милли-мәдәни җәмгыять эшләп килә. Аларның эшчәнлеге үз халыкларының телен, мәдәниятен, традицияләрен һәм гореф-гадәтләрен кайтару һәм үстерү мәсьәләләрен хәл итүгә юнәлдерелгән.
Абишева А.П.
