Ноябрь 8th, 2018 
Алена Абишева 
8 нче ноябрь көнне мәктәбебездә күренекле язучы Айгөл Әхмәтгалиева белән очрашу булды. Бу очрашу укучылар күңелендә якты хатирәләр генә калдырды. Мәҗлесләр залына ак яулыклы язучы үзе килеп кергәч, ничектер, күңелләр күтәрелеп китте. Укучылар да очрашуга җитди караганнар иде: матур итеп шигырьләрен сөйләделәр, әсәрләреннән өзекләр күрсәттеләр. Шул ук вакытта китапханәче аның тормышы, иҗаты белән дә таныштырып барды. Ә инде язучының мөлаем тавышы, татар телен саклау буенча киңәшләре һәркемнең күңеленә үтеп кергәндер, дип уйлыйм. Менә шундый чын әдип белән очрашу уздырганнары өчен оештыручыларга рәхмәт әйтәсе килә.
Опубликовано в рубрике 